Wanted sa kasong pagpanlugos nga nagtago sukad 2023, nasikop sa Siargao Islands

SURIGAO DEL NORTE: Arestado sa kapulisan ang usa ka 31-anyos nga lalaki, kansang ngalan wala giila sa mga awtoridad, didto sa Purok 4, Barangay Del Carmen, San Isidro, Siargao Islands, human kini nagtago sukad pa sa tuig 2023.

Ang nasangpit nga suspek, nga residente sa Barangay Ombong sa lungsod sa Alegria, nag-atubang og kasong pagpanlugos nga nahitabo niadtong Oktubre 22, 2023 didto sa parehong dapit. Ang biktima sa maong krimen mao ang usa ka 18-anyos nga babayeng estudyante nga giingong gipugos sa paglugos sulod sa usa ka abandonadong lugar.

Samtang nagpadayon ang pagtago sa suspek, ang warrant of arrest batok kaniya gipagawas sa Regional Trial Court, 10th Judicial Region, Branch 30, Surigao City, Surigao del Norte niadtong Abril 28, 2026. Kasamtangang anaa na sa luwas nga kustodiya sa San Isidro Municipal Police Station ang suspek para sa tukmang disposisyon sanan pagsaka sa mga angayang kaso batok kaniya.