SAN JOSE, DINAGAT ISLANDS: Gipamatud-an ni Lone District Representative Kaka Bag-ao nga ang tinuod nga serbisyo publiko wala lang nagtapos sa pagpangita og pondo, kung dili nagkinahanglan usab og direktang pag-monitor aron masigurong tarong ang pagpatuman sa mga proyekto.
Personal nga niadto si Representative Bag-ao sa Barangay Mahayahay sa Lungsod sa San Jose aron tan-awon mismo ang ongoing construction sa ilang barangay hall. Pinaagi sa maong site visit, nasusi niya ang kahimtang sa proyekto sanan nasayran kung unsa pa ang mga angay buhaton aron hapsay kining mahuman alang sa katawhan.
Gipasabot sa buhatan sa magbabalaod nga ang kwarta sa gobyerno kinahanglang mapuslan gyud og maayo sa komunidad. Sa higayon nga makompleto na inin nga pasilidad, gilauman kini nga mahimong sentro sa mga panagtigom, pagpahigayon sa mga programa sa barangay, kalihokan sa kabataan, ug luwas usab nga temporaryong kapasilidad sa panahon sa kalamidad.