MANILA: Nagpagawas pag-usab og red sanan yellow alerts ang National Grid Corporation of the Philippines o NGCP alang sa Visayas ug Mindanao power grids karong Miyerkules, Agosto 12, 2026, tungod sa pagkadaut ug pagka-unserviceable sa pipila ka mga planta sa kuryente.
Sumala sa advisory sa NGCP, gipailawom sa red alert ang Visayas grid gikan sa alas 4 sa hapon hangtod sa alas 8 sa gabii, samtang gipailawom sa yellow alert gikan sa alas 1 hangtod sa alas 4 sa hapon ug alas 8 hangtod sa alas 10 sa gabii. Nahitabo kini tungod kay miabot lamang sa 2,153 megawatts ang available nga suplay kumpara sa gilauman nga peak demand nga moabot sa 2,394 megawatts.
Nag-atubang ug kakulang sa kuryente ang Visayas grid tungod sa pagkapagong sa Therma Visayas Inc. Units 1 ug 2, sanan sa Cebu Energy Development Corporation Unit 1. Nabawasan usab ang suplay nga gikan sa Mindanao tungod sa pagsaka sa lokal nga demand ug sa pagkapagong sa mga planta sa GNPower Kauswagan sa Lanao del Norte. Nagpahibalo ang NGCP nga unom ka planta sa Visayas ang nag-atubang og forced outage karong bulana, samtang kapin sa 20 ka uban pa ang wala na maka-operate sugod pa niadtong 2021.