MAYNILA: Gukdon sa Philippine National Police (PNP) ang mga indibidwal nga nagahimo ug nagapakaylap og mga deepfake, o mga litrato ug bidyo nga ginama gamit ang artificial intelligence (AI) nga nagagamit sa nawong o hitsura sa mga tinuod nga tawo, sunod sa puyupuyo ug pahimangno gikan sa National Privacy Commission (NPC).
Sa usa ka pahayag niadtong Huwebes, gipahimangnoan ni PNP Chief Gen. Jose Melencio Nartatez Jr. ang ilang Anti-Cybercrime Group (ACG) sa pag-monitor ug pagsubay sa “malisyo ug nakapahisalaag” nga AI content nga “pwedeng pahimudsan sa mga kriminal nga grupo alang sa ilang mga dili legal nga kalihokan”.
“We will file criminal charges against those behind this fake content as well as those who share deepfakes and malicious information online,” ang bahad ug gipahayag ni Nartatez.
“This illegal activity is a big challenge that requires not only coordination with other agencies but also cooperation with the public. Our collective efforts will prevail over misuse of advances in digital technology,” iyang gidugang.
Ang maong gipagawas nga pahayag sa kapulisnan nahitabo human ang NPC nagpahimangno sa publiko niadtong Martes nga ang paggamit sa AI alang sa paghimo og mga litrato ug bidyo gamit ang nawong o hitsura sa usa ka tinuod nga tawo, pati na ang pagpakaylap ug pag-post niini, kay giisip nga dakong paglapas sa Data Privacy Act.