No. 1 Most Wanted Person sa Eastern Visayas, nadakpan sa Lianga, Surigao del Sur

LIANGA, SURIGAO DEL SUR: Nadakpan sa mga elemento sa kapulisan an No. 1 Most Wanted Person sa sakop sa Eastern Visayas atol sa gipahigayon nga manhunt operation sa Purok 7, Barangay Banahao, ning lungsod sa Lianga.

Giarestar sa mga awtoridad an akusado nga giila lamang sa alyas nga “Asiong,” 53 anyos, usa ka mag-uuma ug lumad nga taga-Albuera, Leyte. Nag-atubang si “Asiong” og upat ka pormal nga kasong rape nga gipagawas sa korte, lakip na an tulo ka counts sa Qualified Rape by Sexual Assault nga may girekomendar nga piyansa nga ₱600,000, ug usa ka kasong Qualified Rape nga walay gitugot nga piyansa.

Gipahigayon an maong pagdakop sa 1st Leyte Provincial Mobile Force Company kauban an nagkalain-laing police units ug sa lokal nga kapulisan. Dinalian nga gidala an suspek sa Lianga Municipal Police Station alang sa sakto nga dokumentasyon ug legal nga proseso sa dili pa siya itugyan sa naghawid nga korte.