Mga drayber sa Trinidad sa Surigao City, padayon sa ilang ‘Libre Sakay’ alang sa mga kwalipikadong estudyante

SURIGAO CITY: Taliwala sa pagsaka sa presyo sa lana ug mga batakang palalitunon, padayon nga gipanalipdan sa Trinidad Drivers Sustainable Livelihood Program Association (SLPA) ug Trinidad Anomar Sukailang Tricycle Operators and Drivers Association (TASTODA) an ilang saad nga maghatag og libre nga sakay alang sa mga underprivileged nga estudyante.

An maong inisyatibo nga nagsugod niadtong tuig 2023 pinaagi sa Libre Sakay Program naghatag og adlaw-adlaw nga libreng biyahe sa tulo ka piniling estudyante gikan sa Barangay Anomar ug Trinidad. Gimaneho sa mga drayber an pagkuha sa mga estudyante gikan sa ilang mga panimalay padulong sa tunghaan ug paghatud kanila og balik human sa ilang klase aron masiguro an ilang kaluwasan ug pagpadayon sa pagskwela.

Mas nilig-on ug nidako pa an maong programa human nakadawat an TASTODA og livelihood assistance ug tulo ka bag-ong tricycle units gikan sa Department of Social Welfare and Development (DSWD) Caraga pinaagi sa Sustainable Livelihood Program (SLP). Nagpasalamat si Trinidad Drivers SLPA President Junel Soltero tungod kay dako kini nga tabang sa mga drayber nga kaniadto naga-abang ra og tricycle, samtang nakahatag usab kini og mas dakong higayon aron mas mapalapdan pa an ilang pagserbisyo sa komunidad ug sa mga kabataan.