DON MARCELINO, DAVAO OCCIDENTAL: Bisan pa man sa bilyun-bilyong pesos nga gigahin alang sa mga proyekto sa pagpugong sa baha, padayon gihapon nga nag-atubang sa kadaot ug pag-antos ang mga residente sa nagkadaiyang komunidad sa Davao Region tungod sa sige nga pagtaas sa tubig-baha.
Sa lungsod sa Don Marcelino, gihimong kaligoanan ug lingaw-lingaw sa mga kabataan ang gisemento nga bahin sa Lapuan River. Apan kung moabot ang kusog nga mga ulan, kusog nga mosulog ang tubig gikan sa kabukiran nga nagadala sa dakong baha sa mga ubos nga dapit, diin adunay mga higayon nga nagakuha usab inin ug nagakilas og mga kinabuhi sa mga residente.
Base sa datos gikan sa transparency website sa Department of Public Works and Highways o DPWH, ang mga kompanya nga gidugtong sa magtiayong Pacifico “Curlee” ug Cezarah Rowena “Sarah” Discaya ang nakakuha og kapin 4.2 billion pesos nga kantidad sa mga kontrata sa flood control sa Region 11 gikan sa tuig 2016 hangtod 2025, apan nagpabilin gihapon nga dako nga suliran sa mga lungsuranon ang hulga sa pagbaha.