ILOILO CITY: Gipailawom na sa disaster mode sa panggamhanan sa lalawigan sa Iloilo ang tibuok probinsya tungod sa hulga sanan kadaot nga gidalit sa red-striped soft scale insect o RSSI nga mikatap karon sa mga tamnanan sa tubo.
Sa gipahigayon nga press conference niadtong Miyerkules, Agosto 12, 2026, gibutyag ni Governor Arthur Defensor Jr. nga miabot na sa 7,021 ka ektarya gikan sa kapin 20,000 ka ektarya sa katubhan ang naapektuhan sa maong peste. Gihulagway ni Defensor nga ang maong insekto usa ka bag-ong hulga nga susama sa African swine fever diin kinahanglan ang paspas nga paglihok sanan pag-establisar og mga biosecurity measure tungod kay wala pa kini opisyal nga protocol kaniadto.
Tungod niini, nag-andam na og executive order ang gobernador base sa rekomendasyon sa provincial agriculture office sanan sa ilang defense action cluster. Kabahin sa mga lakang nga ipatuman mao ang pagkontrolar sa pagbiyahe ug pagbalhin sa mga planting materials pinaagi sa giumol nga zoning map, ug ang paghatag og daling tabang sa mga mag-uuma ug sa industriya sa asukar sa rehiyon.