ILOILO CITY: Kapin sa 1.724 million o 21.12 porsyento sa hapit 8 million ka mga miyembro ug dependents sa Philippine Health Insurance Corp. o PhilHealth sa Western Visayas ug Negros Occidental ang nakarehistro na sa Yaman ng Kalusugan Program o YAKAP.
Gipahayag ni PhilHealth Regional Vice President Marjorie Cabrieto nga miabot na sa 286.12 million pesos ang nabayran sa mga healthcare providers alang sa first patient encounters gikan Enero 1 hangtod Hunyo 30 ning tuiga. Gipasabot ni Cabrieto nga ang YAKAP usa ka mas gipauswag nga porma sa dating Konsulta program tungod kay gipailawom na niini ang GAMOT o Guaranteed and Accessible Medications for Outpatient Treatment.
Sa kasamtangan, adunay 237 ka YAKAP clinics, 177 ka GAMOT providers, ug 188 ka pasilidad alang sa cancer screening tests ang na-accredit sa rehiyon. Aron mas mapalapad pa ang kasayuran bahin niini, nagpahigayon ang PhilHealth VI og mga caravan, registration drives sa mga kagamhanan ug emploeydo, ug ang Alamin at Gamitin ang Inyong Benepisyong Kalusugan o ALAGA Ka program sa mga tulunghaan.