BONGAO, TAWI-TAWI: Mipahigayon og usa ka courtesy visit si Governor Nilo P. Demerey Jr. sa Dinagat Islands sa Provincial Government sa Tawi-Tawi niadtong Agosto 3, 2026, nga gipahigayon sa Governor’s Lounge sa Capitol Building sa lungsod sa Bongao.
Kuyog ni Governor Demerey sa maong pagbisita si Provincial Planning and Development Officer George Daligdig sanan si Misamis Occidental Governor Henry S. Oaminal, diin mainiton silang gidawat ni Tawi-Tawi Governor Yshmael “Mang” I. Sali. Ang maong pagbisita natunong usab sa ilang pagtambong sa Regional Development Committee Conference nga gipahigayon niadtong Agosto 4 sa Dahuwan Tampeh Resort sa parehong lungsod.
Atol sa panagkita, nagbinayloay ang mga lider sa ilang mga kasinatian, best practices, ug mga ideya bahin sa maayong pagdumala sa lokal nga pangagamhanan. Naghisgot usab sila sa mga panan-aw sa kultura, turismo, ug mga prayoridad nga programa alang sa kaayohan nan ilang mga probinsya, nga nagpakita sa importansya nan panaghiusa ug pagtinabangay alang sa inklusibo ug malungtarong kalamboan sa rehiyon.