MANILA: Gikatakda nga mobalik karong adlawa sa sesyon sa Senado ang laing auditor gikan sa Commission on Audit o COA aron mosaksi sa ika-14 ka adlaw sa impeachment trial ni Bise Presidente Sara Duterte kalabot sa kontrobersyal nga confidential funds sa Office of the Vice President sanan sa Department of Education gikan sa late 2022 hangtod sa third quarter sa 2023.
Si Xylene del Campo, ang auditor sa COA Intelligence and Confidential Funds Audit Office o COA-ICFAO, mopadayon sa iyang direct testimony diin gilauman nga isaysay niya ang mga aksyon nga gihimo sa ahensya human siya gi-assign sa maong tahas niadtong Pebrero 2024.
Gisabot usab nga maghatag si Del Campo og mga obserbasyon ug pagpasabot bahin sa kapin 4,000 ka mga acknowledgement receipts nga gisumite sa OVP sanan DepEd agig tubag sa hangyo sa COA alang sa dugang dokumentasyon sa paggamit sa pondo.
Kahinumdoman nga nahimong hinungdan sa pagka-atras sa pagdungog sa miaging semana ang maong mga dokumento human mibiya ang depensa sa pag-stipulate sa mga ebidensya, nga nagpasabot nga kinahanglan susihon ni Del Campo ang tagsa-tagsa ka dokumento sulod mismo sa korte.