MARAWI CITY : Gipakatap sa Armed Forces of the Philippines (AFP) ang 1st Scout Ranger (Unbeatable) Battalion aron palig-onon ang mga operasyon sa seguridad sa Lanao del Sur atubangan sa gikatakdang unang parliamentary elections sa Bangsamoro Autonomous Region in Muslim Mindanao (BARMM) karong Setyembre 14.
Ang maong pagpadala gihimo human nga gipailape sa Commission on Elections (COMELEC) ang tibuok probinsya sa nagkalain-laing Kategoriya sa Election Areas of Concern niadtong Hulyo 29, diin 21 ka dapit ang giila ubos sa red category, lima sa orange category, ug 14 sa yellow category.
Opisyal nga mikuyog ang batalyon sa 103rd Infantry (Haribon) Brigade atol sa usa ka welcome ceremony niadtong Agosto 4 didto sa Kampo Ranao, isip bahin sa padayong paningkamot sa militar sa pagsiguro sa usa ka malinawon, hapsay, ug kasaligang piniliay.
Gipahayag ni Brig. Gen. Jessie R. Montoya, ang commander sa 103rd Infantry Brigade, nga ang maong pagpadala dako og natabang sa pagpalambo sa kapabilidad sa operasyon sa ilang brigada ug nagpakita sa lig-ong pasalig sa AFP sa pagpanalipod sa proseso sa eleksyon.
“The arrival of the 1st Scout Ranger Battalion significantly strengthens the operational capability of the 103rd Infantry Brigade and reinforces the Armed Forces of the Philippines’ unwavering commitment to ensuring a secure, peaceful, and credible BARMM Parliamentary Election in Lanao del Sur,” gipahayag ni Montoya.
Gidugang pa niya nga ang maong deployment nagpakita usab sa pagkahiusa sa militar sa pagpanalipod sa mga komunidad, pagmintinar sa kalinaw ug kaayohan, ug sa pagseguro sa katungod sa matag lungsanon nga makabotar nga gawasnon, luwas, ug walay kalisang.