SURIGAO CITY: Opisyal nang giablihan ug gidawat ang mga bisita sa pinakabag-ong tourist destination sa dakbayan, ang Nature and Family Park nga matagpuan sa Sitio Brazil, Barangay Mat-i, Surigao City.
Ang maong bag-ong parke nagtanyag og hamugaway ug lami nga suroyanan nga angay kaayo para sa tibuok pamilya, barkada, ug mga mahiligon sa kinaiyahan. Pinaagi sa presko nga hangin, nindot nga talan-awon sa kabukiran, ug mga pasilidad nga gidisenyo alang sa bonding ug pagpahulay, gilauman nga mahimo kining usa sa mga paboritong destinasyon sa mga Surigaonon ug mga lokal nga turista.
Giawhag sa lokal nga pamunuan ug sa mga nagdumala sa parke ang tanan nga bisitahon ang dapit ug matagamtaman ang kalinaw sa kinaiyahan. Ang pag-abli niini dugang usab nga maghatag og suporta sa lokal nga turismo ug panginabuhian sa mga residente sa Barangay Mat-i.
Leave a Reply