Batang C.V. Diez ug Anomar National High School, nanguna sa Drum and Lyre Competition 2026 sa Surigao City

SURIGAO CITY: Mabulukon nga gipahibalo ang mga opisyal nga nidaug sa gipahigayon nga Drum and Lyre Competition (DLC) 2026, diin nagpakita sa ilang angking kahusay sa musika, kahanas sa pagrampa, ug madasigong pasundayag ang nagkalain-laing tunghaan gikan sa tibuok dakbayan ug kasapit nga mga lungsod.

Sa Elementary Category, nakuha sa Batang C.V. Diez ang kampeonato ug hawanan usab nilang nahakot ang tanang minor awards nga naglakip sa Best in Production Design, Best in Band Majorette, Best in Band Leader, Best in Choreography, ug Best in Musicality. Nisunod sa ikaduhang pwesto isip 1st Runner Up ang MEMCES, samtang nakuha sa Ipil Elementary School ang 2nd Runner Up.

Sa Secondary Category, gikoronahan nga Champion ang Anomar National High School, nga nakuha usab ang Best Band Leader ug Best in Musicality. Nakuha sa Bacuag National Agro-Industrial School ang 1st Runner Up uban ang mga gidala nga Best in Production Design ug Best in Choreography, samtang gipahibalo nga 2nd Runner Up ang Immaculate Heart of Mary Academy sa Kitcharao, Agusan del Norte, nga nakuha usab ang Best Band Majorette.