SURIGAO CITY: Mabulukon ug puno sa kaayo nga gisaulog ang ika-14 nga anibersaryo sa RMN Foundation, Inc. pinaagi sa pagpahigayon sa ilang tinuig ug tradisyonal nga RMN Dugtong Buhay Blood Donation Program.
Ang maong programa nagtumong sa pagtipon og dugang nga suplay sa dugo alang sa mga nagkinahanglan sa oras sa kagipitan ug emerhensya. Pinaagi sa maong lakang, gipadayag sa organisasyon nga ang paghatag og dugo labaw pa sa usa ka simpleng donasyon, kon dili usa kini ka paghatag og bag-ong paglaum ug pagpadugay sa kinabuhi sa isigka-tao.
Dako usab ang gipadayag nga pagpasalamat sa RMN Foundation sa tanang mga blood donors, medical partners, ug volunteers nga nigahin sa ilang oras, dugo, ug suporta aron mahimong madasigon ug malampuson ang maong aktibidad. Tungod sa ilang kaayo ug padayon nga pagtinabangay, nagpabilin nga lig-on ang adbokasiya ug serbisyo sa pundasyon sa nakalabay nga 14 ka tuig alang sa mga Pilipino.
Leave a Reply