Mga residente sa Barangay San Juan, sayong nagpila alang sa gipangrasyon nga tubig taliwala sa krisis sa suplay

SURIGAO CITY: Sayong nagpila ug nagtapok ang mga residente sa Purok 1, Barangay San Juan niining syudad karong buntaga aron makakuha og rasyon nga tubig taliwala sa nagpadayon nga hagit sa suplay sa tubig sa dapit.

Gipakita sa maong hulagway ang adlaw-adlaw nga sakripisyo sa mga residente nga nagdala og mga timba ug container aron masiguro nga makakuha og igong tubig alang sa batakang panginahanglan sa ilang tagsa-tagsa ka panimalay. Padayon nga nangita og pamaagi ang lokal nga pamunuan ug ang mga hingtungdang ahensya aron mapalambo ug mapadayon ang regular nga paghatag og suporta ug rasyon sa mga dapit nga nakasinati og kakulang sa agas.