M14 ug M Garand rifle uban sa sobra 120 ka bala sa NPA remnants, narecover sa 30IB sa Cantilan, Surigao del Sur

CANTILAN, SURIGAO DEL SUR: Nakarecover og usa ka arms cache ang mga tropa sa 30th Infantry “Fight On” Battalion (30IB) ubos sa 4th Infantry “Diamond” Division sa Philippine Army didto sa hilit nga dapit sa Sitio Katarugan, Barangay Lobo, lungsod sa Cantilan, Surigao del Sur niadtong Setyembre 3, 2026.

Nakuha sa maong operasyon ang duha ka tag-as nga kalibre sa armas nga gilangkoban sa usa ka M14 rifle ug usa ka M1 Garand rifle. Gawas sa mga armas, nakuha usab sa dapit ang lima ka magazines, 32 ka bala alang sa .30-caliber, ug 89 ka bala sa 7.62x51mm amunisyon. Ang maong kalampusan kabahin sa padayon nga paningkamot sa militar aron mapaluyah ug hingpit nga maguba ang nahabilin nga kapabilidad sa mga armadong grupo sa rehiyon.