SURIGAO CITY, Surigao del Norte (PIA): Aron mapalig-on ang mga mekanismo sa lokal nga pagdumala alang sa proteksyon sa mga babaye ug kabataan, gipangunahan sa probinsyal nga gobyerno sa Surigao del Norte, pinaagi sa Provincial Social Welfare and Development Office (PSWDO), ang usa ka komprehensibong seminar sa pagbansay sa abilidad o capability-building seminar didto sa SP conference room sa Surigao City.
Gipahigayon niadtong Hulyo 31, ang maong kalihokan nagtumong sa pagpataas sa kapasidad sa operasyon sa Surigao del Norte Provincial Council for the Protection of Children (PCPC) ug sa Provincial Committee on Anti-Trafficking and Violence Against Women and Their Children (PCAT-VAWC). Nag-alagad usab kini isip kataposang kalihokan sa probinsya sa National Anti-Trafficking in Persons Awareness Month.
Nagkatigom ang mga lokal nga lider, mga department head, ug mga importanteng hingtungdan aron sa pag-align pag-usab sa ilang mga estratehiya ug pag-update sa ilang kahibalo bahin sa mga kritikal nga pamaagi sa pagpanalipod sa bata ug pagbatok sa human trafficking.
Gipalanog pag-usab sa Officer-in-Charge sa PSWDO nga si Lorena L. Silvosa ang ilang pasalig sa pagmintinar sa zero-tolerance policy environment batok sa pag-abuso, trafficking, ug pagpahimulos sa tibuok probinsya.
“Through continuous capacity-building initiatives, the PSWDO and its partner agencies aim to ensure that protective services remain accessible, responsive, and legally sound at every level of local implementation,” matud pa ni Silvosa.
Nagpakita ang seminar og mga teknikal nga presentasyon ug legal briefings gikan sa mga eksperto sa maong natad. Gihisgutan usab ni Krystal Ryedel P. Antoni-De Jose, ang coordinator sa Caraga Regional Committee for the Welfare of Children (RCWC), ang mga tahas ug gimbuhaton sa PCPC.