Tulo ka indibidwal sikop sa operasyon batok sa iligal nga pagmina sa Barangay Mat-i, Surigao City

SURIGAO CITY, SURIGAO DEL NORTE: Sikop ang tulo ka indibidwal atol sa gilusad nga intelligence-driven police operation batok sa giingong iligal nga pagmina didto sa Purok 10, Barangay Mat-i, Surigao City niadtong Agosto 27, 2026. Ang maong malampusong operasyon gihimo sa mga personahe sa Surigao del Norte Maritime Police Station o MARPSTA kauban ang usa ka barangay kagawad sa maong lugar ug mga kinatawan gikan sa Mines and Geosciences Bureau o MGB Region XIII human nakadawat og mga taho bahin sa walay permiso nga pagmina.

Nag-atubang karon ang mga dinakpan sa kasong paglapas sa Section 103 sa Republic Act No. 7942 o ang Philippine Mining Act of 1995, diin wala pa gipublikar sa mga awtoridad ang ilang mga pangalan. Samtang gisundan kini sa pag-aresto, narekober usab sa mga kapulisan ang nagkalain-laing kagamitan sama sa mga water pumps, hoses, baterya, ug usa ka backhoe nga gibana-banang mokabat sa ₱11,117,000 ang kinatibuk-ang kantidad. Gani, gipasiugda sa mga awtoridad nga ang maong operasyon nagpakita sa ilang hugot nga baruganan batok sa mga walay tahod sa kalikopan ug wa