Opisyal nang gi-ablihan ang Tyanggehan sa Boulevard sa Surigao City alang sa ika-lima ka tuig niini

SURIGAO CITY: Opisyal nang gi-ablihan karong adlawa, Agosto 15, 2026, ang gipaabot sa tanan nga Tyanggehan sa Boulevard diin nagtanyag og nagkadaiyang lokal nga pagkaon, produkto, live entertainment, ug panagtapok sa komunidad sa kasingkasing sa dakbayan.

Karon anaa na sa ikalima ka tuig niini, ang Tyanggehan sa Boulevard nagpadayon sa paghatag og luna sa mga lokal nga negosyante ug vendors aron pasundayag ang ilang mga produkto samtang naghatag og nindot nga pasilidad sa mga Surigaonon ug bisita. Gipangunahan ni City Vice Mayor Alfonso S. Casurra ang ribbon-cutting ceremony kauban ang mga sakop sa Sangguniang Panlungsod, mga opisyal sa syudad, ug nagkadaiyang bisita, uban sa suporta sa daghang mga tawo nga misaksi sa kalihokan.

Magpadayon ang operasyon sa Tyanggehan sa Boulevard hangtod sa Septiyembre 15, 2026, diin hatagan ang publiko og usa ka bulan aron suhiron ang kapin kon kulang 200 ka mga stalls nga nagtanyag og pagkaon, ilimnon, ug uban pang makapaikag nga mga baligya samtang gipaminaw ang musika sa mga lokal nga talento.