VALENCIA CITY: Nangayo og dali nga tulabang ug emergency financial assistance ang usa ka grupo sa mga mag-uuma ug nagtanom og tubo sa Mindanao gikan sa Department of Social Welfare and Development o DSWD human nga hingpit nga gipuyra ug giguba sa pesteng red-striped soft-scale insect o RSSI ang ilang mga tanom sa lima ka lalawigan.
Pinaagi sa usa ka sulat, nanawagan si Manuel Antonio Zubiri, ang presidente sa Mindanao Sustainable Sugarcane Agricultural Development Federation Inc. o Minfed, ngadto kang Social Welfare Secretary Rex Gatchalian nga ipatuman usab ang emergency cash transfer program sa ahensya para sa mga gagmay nga mag-uuma sa Mindanao. Nag-atubang kuman og dako nga hulga sa maong peste ang mga kabukiran sa Bukidnon, Cotabato, Sarangani, Davao del Sur, sanan Sultan Kudarat.
Sumala sa taho sa Sugar Regulatory Administration o SRA sa Bukidnon niadtong Agosto 11, 2026, miabot na sa kapin 655 ka ektarya sa tibuok lalawigan ang naigo ug gidaot sa maong peste. Lakip sa mga lungsod nga may dako nga kadaot sa Bukidnon ang Quezon nga may 482 ka ektarya, Kitaotao nga may 148 ka ektarya, Valencia City nga may 20 ka ektarya, ug Don Carlos nga may lima ka ektarya.