MAYNILA: Nagpirmahay og memorandum of understanding (MoU) ang Pag-IBIG Fund, Avida Land Corp., ug Amaia Land Corp. aron mapalapad ang mga kapilian sa pabalay alang sa mga trabahanteng Pilipino ubos sa Expanded Pambansang Pabahay para sa Pilipino Program ni Presidente Ferdinand Marcos Jr.
Ang maong pakigtambayayong magalantaw sa mga espesyal nga presyo ug bayad alang sa mga napiling balay sa Avida ug Amaia diin ang mga kwalipikadong miyembro sa Pag-IBIG makakuha og housing loan nga moabot hangtod sa ₱10 milyon.
Ang maong kasabutan bahin sa paningkamot sa Department of Human Settlements and Urban Development (DHSUD) ug Pag-IBIG Fund sa pagpalig-on sa pakigtambayayong sa mga pribadong developer ug pagpalapad sa kahigayonan sa mga lungsanon nga makapanag-iya og balay.
Gipahayag ni DHSUD Secretary Jose Ramon P. Aliling nga ang maong pakigtambayayong nagasuportar sa tinguha sa administrasyong Marcos sa pagpalapad sa pagpanag-iya og balay pinaagi sa mas lig-on nga pagtinabangay sa gobyerno ug pribadong sekto.
Pinausbawan hinuon sa Pag-IBIG Fund ang ilang pinakataas nga housing loan ngadto sa ₱10 milyon matag borrower. Ang mga kwalipikadong borrower alang sa socialized housing makapahimulos sa subsidized nga 3-porsyento nga interest rate, samtang ang mga miyembro nga mopalit og balay nga labaw sa socialized housing ceiling pwedeng makakuha og promotional rate nga 4.5 porsyento o 5.75 porsyento, nagdepende sa kantidad sa loan.