MANILA: Nakigtabla sa statistical tie ang hipotetikal nga tambalan ni Naga City Mayor Leni Robredo ug Senator Raffy Tulfo batok sa tandem nanday Vice President Sara Duterte ug Senator Imee Marcos alang sa 2028 presidential elections, sumala sa pinakabag-ong survey sa polling firm nga Octa Research.
Mugna sa gipagawas nga “Tugon ng Masa” survey karong Miyerkules, Agosto 12, 2026, miabot sa 45 porsyento sa mga respondents ang nipadayag sa ilang suporta sa Robredo ug Tulfo tandem, samtang 42 porsyento man ang nagpaluyo sa Duterte ug Marcos tandem. Ang maong kalainan nga 3 percentage points nahulog sa statistical tie tungod kay ang survey adunay margin of error nga plus o minus 3 porsyento ug 95 percent confidence level.
Gipahigayon ang maong panukuki sa Octa Research niadtong Hulyo 4 hangtod 11, 2026, pinaagi sa face to face nga pakighinabi sa 1,200 ka mga respondents nga nag-edad og 18 anyos pataas sa tibuok nasud.