DAVAO CITY: Pormal nga nangayo og pasaylo ang Schools Division sa Davao City tungod sa dili angay nga gipakitang gawi sa pipila ka estudyante atol sa pagbisita ni Presidente Ferdinand Marcos Jr. niadtong Hulyo 28, 2026.
Mibagting ang kontrobersya human sa usa ka viral nga bidyo nga nagpakita sa pipila ka estudyante sa Calinan National High School nga naggamit ug dili maayong mga pulong samtang milabay ang helikopter sa Pangulo sa nataran sa tunghaan.
Giila sa tunghaan ang upat ka estudyante nga nahilambigit sa maong aksyon ug gipatawag na ang ilang mga ginikanan alang sa usa ka opisyal nga tigom. Kasamtangang gipailalom ang maong mga learners sa disciplinary measures, counseling, ug programa sa values formation.
Dugang pa sa DepEd Davao City, padayon silang makigcollaborate sa mga ginikanan aron masiguro nga mamentinar ang disiplina, respeto, ug husto nga pamatasan sa tanang tunghaan sa dakbayan.