6-anyos nga kindergarten student nakaplagang patay nga naglutaw sa kadagatan sa Barangay Buenavista

SURIGAO CITY: Usa ka dakong trahedya ang misugat sa usa ka pamilya human nakit-ang wala nay kinabuhi ug naglutaw sa kadagatan ang usa ka sayis anyos nga kindergarten student duol sa pantalan sa Purok 5, Barangay Buenavista niadtong hapon sa Agosto 31, 2026. Sumala sa inisyal nga imbestigasyon sa kapulisan, nananghid pa ang maong batang lalaki sa iyang lola mga alas 3:00 sa hapon nga moadto ug magdula sa parke sa ilang barangay. Nakit-an pa kini sa pipila ka mga lumulupyo nga nagbaktas sa pantalan mga alas 4:00 sa hapon, apan pag-abot sa alas 4:30 kay nakaplagan na lamang kining naglutaw sa dagat.

Daling mireponde ang pipila ka concerned citizens ug gisuwayan og himo ang cardiopulmonary resuscitation o CPR sa biktima sa pamasin nga maluwas pa ang kinabuhi niini. Naabtan usab sa amahan ang maong masulub-on nga panghitabo ug daling gidala ang iyang anak sa labing duol nga tambalanan aron mahatagan og hinanaling medikal nga atensyon. Bisan pa man sa paningkamot sa mga nitabang ug sa mga doktor, gideklarar nga dead on arrival ang biktima sa attending physician.