TAGANA-AN, SURIGAO DEL NORTE: Aron makatabang sa pagtubag sa kulang nga supply sa karne ug mapalig-on ang panginabuhian sa mga mag-uuma, nag-apud-apud og 50 ka babaye nga kabaw ang Department of Agriculture–National Organic Agriculture Program (DA-NOAP) ug Bureau of Animal Industry (BAI) sa lungsod sa Tagana-an.
An maong pamahagi kabahin sa Organic Large Ruminants Dispersal Program sa BAI nga nagtumong sa pagpadako sa populasyon sa kabaw ug pagpauswag sa malungtarong pagpamuhi sa kahayopan. Naggikan an mga nakadawat nga mag-uuma sa mga barangay sa Union, Upper Libas, Lower Libas, Laurel, Aurora, Himama-ug, ug Opong, diin matag usa kanila nakadawat og usag kabaw nga yano ug ready na alang sa pagpasanay ug pagpamuhi.
Aron masiguro an katuyuan ug kaayohan sa maong programa sa mas daghang mag-uuma, ipatuman an usa ka “pay-forward scheme” diin an unang mamanak nga anak sa kabaw itugyan usab sa sunod nga kwalipikadong benepisyaryo sa lungsod. Gawas niini, naghatag usab an Philippine Crop Insurance Corporation (PCIC) og libreng insurance sa mga kabaw, habang naga-andam an lokal nga pangagamhanan sa Tagana-an sa pagpatukod og slaughterhouse alang sa mas maayong pagproseso ug pagbaligya sa mga produkto sa karne sa komunidad.
Leave a Reply