SURIGAO CITY: Opisyal nang giablihan sa publiko ang 4th Bonok-Bonok Art Festival sulod sa usa ka mall sa Barangay Luna, niining dakbayan, diin molangtod ang maong “Art Exhibit” hangtod sa Biyernes, Setyembre 11.
Gibutyag ni Walter Miguel Andit, sakop sa Guhit Pinas-Surigao Marketing Committee, nga ang maong selebrasyon konektado ug nagpakita sa “creative talents” sa mga Surigaonon pahaum sa 42nd Bonok-Bonok Maradjaw Karadjaw Festival ug sa 232nd San Nicolas de Tolentino Town Fiesta. Lakip sa mga pangunang aktibidad ang Art Exhibit (Setyembre 7-11), Art Tournament, Kids Art Workshop, ug ang Awarding and Closing Ceremony sa Setyembre 11.
Gipahibalo usab sa organisasyon nga ang tanang artworks nga nakadisplay pwedeng paliton ug dad-on sa balay. Alang sa mga interesado nga makapanag-iya og lokal nga obra, giawhag sila nga makipag-ugnayan pinaagi sa opisyal nga Facebook page sa Guhit Pinas-Surigao o direktang mopadala og mensahe sa ilang presidente nga si Russel Regala.
Leave a Reply