MANILA: Misaka na sa 19 ang natala nga ihap nan mga namatay gumikan sa hiniusang epekto sa habagat sanan sa mga bagyong Luis ug Maymay, sumala sa National Disaster Risk Reduction and Management Council o NDRRMC.
Gawas pa niini, upat ka tawo ang padayon pang gipangita sa mga awtoridad human sa grabeng pag-ulan ug dautang panahon, diin duha ang nareport sa Baguio City, usa sa Atok, Benguet tungod sa landslide, ug usa sa lalawigan sa Batangas.
Gibana-bana nga moabot sa 2.27 ka milyon ka tawo ang naapektuhan sa kalamidad sa nagkalain-laing rehiyon lakip na ang National Capital Region, Cordillera Administrative Region, Ilocos Region, Cagayan Valley, sanan uban pang mga dapit. Naa sa kapin 94,900 ka mga indibidwal ang kasamtangang nagpasilong sa 919 ka mga evacuation center.
Gitala usab sa ahensya nga anaa sa 684 ka mga panimalay ang naangol o nadaut, diin 45 niini ang total nga naguba samtang 639 ang naapektuhan sa magkalahi nga ang-ang sa kadaot.