SURIGAO CITY, Surigao del Norte (PIA): Aron ipakita ang padayon nga pasalig sa pagpauswag sa kabatan-onan ug sa pagpreserba sa kalinaw, gipauswag sa 30th Infantry ‘Fight On’ Battalion (30IB) sa Philippine Army ang ilang information, education, ug communication (IEC) campaign taliwala sa mga senior high school sa probinsya sa Surigao del Norte.
Gipalig-on pinaagi sa pakigtambayayong sa Department of Education (DepEd) ug sa mga opisyal sa eskuylahanan, ang maong inisyatiba nagtuyok sa pagpanalipod sa mga batan-ong lungsanon batok sa disinformation ug subversive infiltration pinaagi sa pagpalambo sa critical thinking ug civic responsibility.
Nakatutok ang IEC campaign ug educational sessions sa duha ka importanteng isyu sa nasud: ang soberanya ug ang West Philippine Sea (WPS), partikular na ang estratehiko, ekonomikanhon, ug makasaysayanong kaayohan sa WPS sa integridad ug seguridad sa mga asset sa nasud, aron ipagawas ang patriyotismo ug constitutional awareness taliwala sa mga estudyante; ug ang pagbatok sa deceptive recruitment ug sa mga tago nga taktika ug propaganda nga gigamit sa mga communist terrorist groups (CTGs) aron pahpahimudsan ang kaandam sa mga batan-on, academic environment, ug mga batan-ong estudyante.
Pinaagi sa mga open forum ug digital literacy discussions, gidasig sa maong kampanya ang mga estudyante sa pagpakigsusi sa mga impormasyon online, sa paggamit sa social media sa saktong pamaagi, ug sa pag-apil sa mga kalihokan sa kalinaw sa komunidad.
Gipahayag ni Christine Anne, usa ka senior high school student, nga ang pag-apil sa maong kalihokan hingpit nga nagbag-o sa iyang panan-aw bahin sa iyang katungdanan isip usa ka estudyante sa digital nga kalibutan.