𝗕𝗮𝗻𝗴𝘀𝗮𝗺𝗼𝗿𝗼 𝗜𝗻𝘁𝗲𝗿𝗶𝗺 𝗖𝗵𝗶𝗲𝗳 𝗠𝗶𝗻𝗶𝘀𝘁𝗲𝗿 𝗔𝗯𝗱𝘂𝗹𝗿𝗮𝗼𝗳 𝗠𝗮𝗰𝗮𝗰𝘂𝗮, 𝗻𝗮𝗹𝘂𝘄𝗮𝘀 𝘀𝗮 𝗴𝗶𝗵𝗶𝗺𝗼𝗻𝗴 𝗽𝗮𝗴𝗯𝗮𝗻𝗵𝗶𝗴 𝘀𝗮 𝗠𝗮𝗴𝘂𝗶𝗻𝗱𝗮𝗻𝗮𝗼 𝗱𝗲𝗹 𝗡𝗼𝗿𝘁𝗲

COTABATO CITY: Naluwas ug walay naangkon nga kadaot si Bangsamoro Interim Chief Minister Abdulraof “Sammy Gambar” Macacua ug ang iyang mga kauban human nga giambush ang ilang convoy sa Barangay Dulangan, Datu Odin Sinsuat, Maguindanao del Norte niadtong Sabado, Agosto 15, 2026.

Hitabo ang insidente mga alas 4:45 sa hapon sa dihang nagbiyahe si Macacua gikan sa iyang lungsod natawhan sa Mother Kabuntalan human giindotar isip pangulo sa Bangsamoro Federalist Party. Bisan pa man sa pagpamusil nga miigo sa tulo ka sakyanan sa iyang convoy, gipasalig sa mga awtoridad nga luwas ug walay nasamdan sa mga pasahero ug security personnel.

Gikondena ni Cotabato City Mayor Bruce Matabalao ang maong pagpanghasi ug nanawagan sa hapsay ug walay pagpihig nga imbestigasyon gikan sa mga hingtungdan nga ahensya sa kahapsay ug kalinaw.